miércoles, 9 de noviembre de 2016

Ruxe Ruxe - Buratos





Furacos nel suelu enllenos de güesos y cráneos
Furacos na carne, escopetes y pistoles
Furacos nel alma, enllena d’odiu y llaceria
Furacos nel tiempu d’escaezu y difuntos

Faigamos alcordanza, faigamos alcordanza
Faigamos camín faciendo alcordanza

Furacos de miéu, de verdugos y vencíos
Furacos de sangre, de banderes y asesinos
Furacos na hestoria son furacos na memoria
Furacos escuros, cicatrices que nun aliquen

Furacos fonderos, d’inxusticies y feríes
Son furacos escondíos, de verdaes y mentires
Furacos que viven d’aliendos escaecíos
Furacos tapecíos que nun dexen ver futuros

No hay comentarios:

Publicar un comentario