Juantxo Skalari & La Rude Band – Levanta

Desplícai al mendigu

eso de la democracia.

Desplícai al perdíu

por qué tanta desgracia.

Desplícai al que sufre

una prisión para tou un pueblu,

desplícai que tien drechos

y que’l so país ye llibre.

Desplícai a una madre que tien al fíu lloñe,

Desplícai que nun tornará a velu,

Qu’equí nun hai trabayu nin sueldu.

Desplícai al borrachu eso de les eleiciones,

Desplícai que gane’l que gane

Nun-y devolverán los sos suaños.

Ooooh, oooh.

Xuníos pa defender.

Sollerte pol peligru

home o muyer.

Ooooh, oooh.

Día y nueche nun canciu,

El que llevanta’l martiellu

de xusticia y aición.

Si equí nun hai griesca

por qué ta murnia esa xente.

Nun hai guerra,

Nun hai pan nin camín

Pero hai llei qu’abelluga al más fuerte

El gobernante

Quier caltener el poder.

No cimero nun escucha

y camuda’l discursu

cuando-y convién.

Ooooh, oooh.

Xuníos pa defender.

Sollerte pol peligru

home o muyer.

Ooooh, oooh.

Día y nueche nun canciu,

El que llevanta’l martiellu

de xusticia y aición.

Strangis Guajes - Coherencia

Ye difícil sentir.
pero qué fácil falar por falar.
Ye fato ser veganu/a,
pa ser más que lxs demás.
Ye falso criticar al imperialismu,
consumiendo la so basoria.
Ye inútil dir de pacifista,
cuando un nazi patea la to cara.

Ye absurdo dir d’ "alternativu",
y siguir enchufáu a la MTV.
Ye contradictorio riíse d’un estilu,
y siguir con dogmes otru.
Ye falso refugar del punk y del metal,
porque venimos d’ellí
Ye precipitao xulgar a daquién,
dalgún día va tocate a ti.

Ye perfácil ser mui hardcore,
cuando los tos pás caltiénente en casa.
Ye pasivo nun apoyar una causa,
sofitándose en falses escuses.
Ye perguapo esmolecese nes lletres,
pero na cai, ¡¿qué?!
Ye infantil dicir "nun cambiaré",
cuando acabes d’ empezar a vivir.

Naide ye coherente al 100% na vida,
mira pa dientro y camuda los tos erros.
Enantes de poner a parir a los demás,
meyor entama a amosar un poco de respetu

Naide ye perfeutu, naide ye igual, toos somos humanos.
Deprendi a convivir ente diferencies, ocúpate de lo tuyo.
Sigui los tos principios, si ye que los tienes,
y si nun los alcuentres... quiciabes saques dalgo en claro
d’esti xodíu cantar!!!

Superoito - Non tes barba

A la fin ye xueves y acabaron los esámenes,
prepárate porque güei vamos salir a prestar,
chupa de cueru y camiseta de los Ramones,
y en Tarasca ser del Bloque yá nun sirve pa lligar

Baxaba en plan tranquilu y acabé zarrando’l Maycar,
nun podía tar más solu y yeren les seis de la mañana,
y xusto apaeció tornando la esquina una rapaza,
que siempres diba a la última moda n’Instagram.

Ven conmigo, neña! que vas ablucar!
Duermi nel mio pisu! La folixa acaba d’empezar!

CONTIGO NON! NON! NON!
PORQUE TU NUN TIENES BARBA!
Y NUN QUIERO ENROLLAME CON UN NEÑU, RAPAZ!
YO QUIERO UN HOME DE VERDÁ!

Pero siguí insistiendo, mui desesperáu
y nun teo problema si ye cuestión de perres,
mi pá ye alcalde y yo casi llicenciáu,
tengo un Mercedes caru y plateáu.

Y yá nun sé cómo pueo convencete,
y yá nun sé qué más pueo dicite,
pero déxame intentalo, por favor
namái busco un poco d’amor.

Ven conmigo, neña! que vas ablucar!
Duermi nel mio pisu! La folixa acaba d’empezar!

CONTIGO NON! NON! NON!
PORQUE TU NUN TIENES BARBA!
Y NUN QUIERO ENROLLAME CON UN NEÑU, RAPAZ!
YO QUIERO UN HOME DE VERDÁ!

Dolly Parton – Jolene

Jolene, Jolene, Jolene, Jolene
Ruégote polo que quieras que nun marches col mio home
Jolene, Jolene, Jolene, Jolene
Por favor, nun te lu lleves anque pueas

La to guapura ye incomparable
Con menes de pelu rellumante y castaño 
Con piel de marfil y güeyos verde esmeralda
La to sorrisa ye como golor a primavera
La to voz ye suave como orbayu de branu
Y nun pueo competir contigo, Jolene

Él fala de ti mientres duerme
Nun soi quien a dexar
de llorar cuando pronuncia’l to nome, Jolene

Y entiendo perbién
Que podríes quitame’l mio home fácilmente
Pero nun sabes lo que ye p amín, Jolene

Jolene, Jolene, Jolene, Jolene
Ruégote polo que quieras que nun marches col mio home
Jolene, Jolene, Jolene, Jolene
Por favor, nun te lu lleves anque pueas

Tu tienes homes a esgaya
Pero yo nun podría volver a amar
Éñ ye l’únicu p amín, Jolene

Tenía que falar contigo
La mio felicidá depende de ti
Y lo que decidas facer, Jolene

Jolene, Jolene, Jolene, Jolene
Ruégote polo que quieras que nun marches col mio home
Jolene, Jolene, Jolene, Jolene
Por favor, nun te lu lleves anque pueas

Flowklorikos - Donde duele inspira

Oh dios toi matándome, chumando y fumando
engañando al tiempu pa suañar espiertu y morrer suañando

Malapenes veo’l cielu col fumu de les fábriques
nin siento a la mio concencia col ruíu de les máquines
pero sé lo qu’hai tres d’eses gafes de sol n’avientu
problemes y una muyer que nun se defende
entá nun alboreció nin nada asemeyao
pero un ánxel aguarda na parada del bus pa llevar daqué al so ñeru

Puedo creyeme dios si escribo un nuevu versu
pero dime quién soi yo en comparanza al universu
y asina baxé de la ñube na que vivía
y deprendí que pa mín la rutina nun ye monotonía

Vivo nun mundu nel que la llibertá tien preciu
procura que les tos pallabres seyan meyores que’l silenciu
y cuando’l mio alma ta negra y nada m’allegra, tía
nun hai llárima nos mios güeyos pero lloro acaldía

El mio cantar ye de dolor como’l d’un páxaru enxauláu
malapenes distingo’l golor dende equí al parque d’al llau
yera más feliz cuando yera un neñu inorante
yá, bono, como toos, pero yá nada ye como enantes

Sé que’l mio defeutu ye pasaxeru
pero tamién sé que nun vivir pa siempres representa’l mundu enteru
y somos héroes de la clase obrera, el villanu ye’l tiempu
esclavu llaboral a piques de l’aburrición

Soi un alquimista mortal ensin mieu a la muerte
escribo versos d’oru, cuando muerra voi venir a vete
dende l’infiernu terrenal al mio cielu soterrañu
esnalo a ras del océano ensin mieú a mancame

La mio musa ye una ventolera de fumu gris
represento al mundu enteru pero namái creyo en mín

Poeta y dramaturgu, nocherniegu de la urbe
debuxando ñubes de fumu colos deos en V

El sol va escontra l’horizonte
una cita nuea cola mio musa, y nun sé ónde

Educái a los neños pa nun castigar a los homes
comprometíu col arte, probe diañu muertu fame
para ver l’arcu la vieya ties de soportar la lluvia
y yo siempres torturándome pa ver si dalgo m’alita
v gláyame, glaya miel, torno a la mio cripta
el tic tac dicta.