Dende les mines tristes en ciudaes de carbón
quemáronnos los llibros y afitáronmos el mieu.
Caminemos pelos sieglos, naveguemos pelos años,
col sable nos zapatos y con piedres nes manes.
Ficimos cayer estirpes, calecimos l'iviernu
y con antorches y fogueres ficimos xelar l'infiernu.
Tomemos la Bastilla colos nuesos feríos
xiblando les guillotines nes cais de París.
Los pueblos llevántense, los barrios despierten
y a golpes de medianueche faen salir el sol.
Sientes clara la llamada, escuézte la fería,
la to vida tá en xuegu. Alienda y glaya: fueu!
El pan que nun teníemos garrémos-ylu a los ricos,
prindamos Barcelona el branu'l treinta y seis.
Y dende los glayíos de la selva a los chillíos del escaezu,
toles voces ximen; empezó la nueche.
Semáronnos miseries, semáronnos terrores
y agora pente medies de les povises verán cómo xorrecen flores.
El nuesu mundu despierta, despierta'l nuesu mundu
y ente rexes que caen, la so pior velea.
Los pueblos llevántense, los barrios despierten
y a golpes de medianueche faen salir el sol.
Sientes clara la llamada, escuézte la fería,
la to vida tá en xuegu. Alienda aire y glaya: fueu!
Cruzando desiertos, cruzando fronteres,
cruzando la mar, cruciando la mar.
Cruzando'l cielu, cruzando tormentes,
cruzando la mar, cruciando la mar.
Los pueblos llevántense, los barrios despierten
y a golpes de medianueche faen salir el sol.
Sientes clara la llamada, escuézte la fería,
la to vida tá en xuegu. Alienda y glaya: fueu!