Hertzainak - Eh txo

¿Remembres lo bien que lo pasábemos enantes?
Habia muncha folixa n’aquellos tiempos escuros
Güei paez que la democracia dexóte fechu una llaceria
Y que-y garraste’l gustu a que te dean pel culu
Eses piernes seles que nun van a nengún lláu,
¿Quién diria que son les tuyes?
Enantes dibes corriendo per dayuri
Y agora tas dafechu colgáu ya indecisu
¡Oi nin! ¡Asperes demasiao!
La to tímida mirada amosa
Que’l nun saber qué facer dexóte ensin fuercia
De verdá paez que tas dafechu acabáu
Y nun puedes remembrar que fuiste un inconformista
¡Oi nin! ¡Asperes demasiao!
Sal a la cai
Y recupera la to marcha
Asperando nun puedes algamar un res.
¡Oi nin! ¡Asperes demasiao!

Coldplay - Fix you

Cuando lo faes lo meyor que puedes pero nun ties ésitu,
Cuando algames lo que quies pero non lo que necesites,
Cuando te sientes percansáu pero nun puedes dormir,
Atascáu en marcha atrás.

Y les llárimes caen pel to rostru,
Cuando pierdes dalgo que nun puedes sustituyir,
Cuando ames a dalguien pero échase a perder,
¿Podría ser pior?

Las lluces van guiate a casa
Y encenderán los tos güesos.
Y yo intentaré arreglate.

Bien arriba o bien abaxo
Cuando tas demasiao namoráu como pa dexalo pasar.
Si enxamás lo intentes nunca sabrás
Lo que realmente vales.

Les lluces van guiate a casa
Y encenderán los tos güesos.
Y yo intentaré arreglate.

Iggy Pop – Lust for life

Equí vien Johnny Yen de nueu
col llicor y les drogues,
y la máquina de carne,
va a facer otru striptease.

Eh rapaz, ¿ónde consigues esa lloción?
duelme dende que piqué l’anzuelu
sobre dalgo llamao amor,
sí, dalgo llamao amor,
ye como hipnotizar pitos,
bono, yo namái soi un home modernu,
por supuestu que l’oyera enantes.

Sabes, tengo pasión por vivir,
tengo pasión por vivir.

Valgo un millón de premios,
cola mio película-tortura conduzo un GTO
llevo un uniforme,
too a costa d’un préstamu del gobiernu.

Valgo un millón en premios,
sí, yá nun duermo más n’acera,
bastó de frayame la tiesta
bastó de frayame la tiesta
col llicor y les drogues,
col llicor y les drogues. 

Bono, yo namái soi un home modernu,
por supuestu que l’oyera enantes.
Sabes, tengo pasión por vivir,
tengo pasión por vivir.

Bono, equí vien Johnny Yen de nueu,
col llicor y les drogues,
y la máquina de carne,
sé que va a facer otru striptease.

Eh rapaz, ¿ónde consigues esa lloción?
la to piel entama a picar dende que piques l’anzuelu
sobre dalgo llamao amor,
oh, amor, amor, amor. 

Bono, ye como hipnotizar pitos,
bono, yo namái soi un home modernu,
por supuestu que l’oyera enantes,
sabes, tengo pasión por vivir,
tengo pasión por vivir,
tengo pasión por vivir,
tengo pasión por vivir.
(bis)

Etsaiak – Etorkizuna

Zarra los tos güeyos, relaxa la to mente
Ponte a pensar, a entrugate
A ver, ¿cuál sedrá’l futuru?
"A trabayar ilusiones nel to maxín"
El futuru ta nes nueses manes,
¡Si tenemos esperanza!
Mientres duren los nuesos porgüeyos
¡Nun vencerá’l mieu!
Hai que trabayar güei’l porvenir,
Pa que mañana veamos los frutos
Dalgún día fadráse too realidá,
¡Trabayando la nuesa ilusión caldía!

Trabayando la ilusión caldía,
El futuru ta nes nueses manes
pero’l coral enllénaseme de llárimes
una vez vista la realidá

Sigo suañando,
¡Y nun quiero baxar d’equí!
Toi bien a gustu,
fuxíu del mundu, alloñáu d’él...

Asta Kask – Patriarkatet

El patriarcáu ye una tradición heredada
Nella, los homes manden y escriben la constitución
Un neñu yera un regalu, y una neña una carga
Pa un home de clase baxa

Los africanos yeren paganos baxo’l mantu la borrina
Asina que colonizáronlos y forzáronlos
Adoctirnáronlos nos escritos, metiéronlos na casa de Dios
Y diéron-yos una vida de llume

Pero Dios dixo: tu sedrás el mio profeta
Dios dixo: equí ta’l mio secretu
Ye necesario facer la paz, y toi perenfadáu
Entós ella dixo:
Soi una muyer y soi negra

Muncha sangre corrió baxo la ponte, collaciu…
Xesús morrió na cruz y Moisés vagó per ende
Cuántes guerres lluchaes, milenios d’asesinatu
Poles pallabres de los sos escritos

Crucifixión y llapidación defendió la llei de Dios
Ai d’aquel que pecó baxo’l santu tribunal
¿qué pasa si entendió mal dalguna parte,
si enquivocóse de verdá?

Pero Dios dixo: tu sedrás el mio profeta
Dios dixo: equí ta’l mio secretu
Ye necesario facer la paz, y toi perenfadáu
Entós ella dixo:
Soi una muyer y soi negra

Soi negra
 

Pero Dios dixo: tu sedrás el mio profeta
Dios dixo: equí ta’l mio secretu
Ye necesario facer la paz, y toi perenfadáu
Entós ella dixo:
Soi una muyer, soi gai y soi negra

Mallacán – Amanixer

Mañana un nuevu amanecer, pa toos y toes
mañana un nuevu atapecer, pa toos y toes
nós queremos vivir, nel País Zierzo
queremos facer realidá el nuesu suañu

Queremos facer realidá el nuesu suañu
porque queremos construyir un mundu nuevu
la nuesa forma pensar nun tien amu
y que s’abran los ventanos de la nuesa conciencia

Tornarás a sentir cantares de llibertá
los malos díes tan alloñándose
actuar, cola mirada siempres haza alantre
pa vivir con dignidá

Nós queremos vivir nel País Zierzo
llibres y solidarios con otros pueblos
que lluchen caldía pola supervivencia
de nun tar afogaos nel escaezu

Dende Chistau hasta Teruel nun vi la desgana
nel coral un palpitar enllenu vida
dende El Campell hasta Used, el puñu n’alto
amosa a la fin nel horizonte, la utopía

Amar, sentir, la tierra que piso
amar, sentir, l’aire qu’aliendo
amar, sentir, la nuesa llingua
amar, sentir, el mio País Zierzo