Ilegales – Yo soy quien espía los juegos de los niños

Pareyes nueves estrénense esta nueche
ente les sábanes de pensiones barates
diez mil obreros nel paru
asperen na plataforma
de suicidiu coleutivu
yo soi’l qu’escuca los xuegos de los neños
si te descuides taré nel so bolsu
yo soi’l qu’escuca los xuegos de los...

Rapazos duros entren na mafia
pá revólver protexe a los sos fíos
los estudiantes suicídense
disparando escontra la policía.

Los mayestros quéxense polos cristales frayaos
en tolos llaos hai xente fato
yo soi’l qu’escuca los xuegos de los…

Madamme Claude abanícase
coles sos aiciones menguaes nel 40 por cien
nuevos cantantes faen el ridículu
en vieyos festivales como Eurovisión.

Yo soi’l qu’escuca los xuegos de los neños
si te descuides taré nel so bolsu
yo soi’l qu’escuca los xuegos de los…

Alphaville - Forever young

Vamos baillar en condiciones
vamos baillar un ratín,
el cielu puede asperar,
namái tamos mirando al cielu,
asperando lo meyor, pero suponiendo lo pior
¿vais soltar la bomba o non?

Déxanos morrer xóvenes o déxanos vivir pa siempres.
Nun tenemos el poder, pero enxamás dicimos nunca
sentaos nun caxón de sable,
la vida ye un curtiu viaxe,
la música ye pa los homes murnios.

¿Puedes imaxinar cuándo se gana esta carrera?
Tornamos los nuesos doraos rostros haza’l sol,
afalagando a los nuesos llíderes, ponémonos en sintonía
la música tóquenla… los homes llocos.

Pa siempres xoven, yo quiero ser siempres xoven.
¿De verdá quies vivir pa siempres, siempres enxamás?
Pa siempres xoven, quiero ser siempres xoven.
¿De verdá quies vivir pa siempres, siempres enxamás?

Dalgunos son como agua, dalgunos son como’l calor
dalgunos son una melodía y dalgunos son el ritmu.
Cero o sero, toos tendrán colao
¿por qué nun se caltienen pa siempres xóvenes?

Ye tan difícil avieyar ensin una causa,
nun quiero morrer como un caballu na fuxida,
la mocedá ye como diamantes embaxo’l sol,
y los diamantes son pa siempres.

Tantes aventuras que güei nun pudieron asoceder,
tantos cantares qu’escaecimos tocar,
tanto suaños saliendo de la nada
dexamos que se faigan realidá.

Pa siempres xoven, yo quiero ser siempres xoven.
¿De verdá quies vivir pa siempres, siempres enxamás?
Pa siempres xoven, quiero ser siempres xoven.
¿De verdá quies vivir pa siempres, siempres enxamás?

Pa siempres xoven, quiero ser siempres xoven.
¿De verdá que quies vivir pa siempres?

Culture Club - Karma Chameleon

Amando’l desiertu nos tos güeyos tol camín
Si siento les mentires que podríes dicir
Soi un home ensin enfotu
Soi un home que nun sabe
Cómo convéncete d’una contradicción
Tu vienes y vas
Vienes y vas

Karma, karma, karma, karma, karma, de camaleón
Vienes y vas
Vienes y vas
L’amor podría ser cenciellu si los tos collores fueran como los mios suaños
Collorao, dorao y verde
Collorao, dorao y verde

Nun sentí les tos males pallabres acaldía
Y aveces a ser tan dulce cuando te siendo dicir
Que’l mio amor yera una adición
Cuando mos agarrábemos a lo fuerte del nuesu amor
¿Cuándo marches?, colaste pa siempres
Déxesme colgáu

Acaldía ye como una supervivencia
Tu yes mio amante, non mio rival
Acaldía ye como una supervivencia
Tu yes mio amante, non mio rival

Soi un home ensin enfotu
Soi un home que nun sabe
Cómo convencete d’una contradicción
Tu vienes y vas
Vienes y vas

Led Zeppelin – Stairway to heaven

Hai una dama que ta segura
de que tolo que relluma ye oru,
y ta mercando una escalera al cielu,
y cuando llegue ellí
sabrá si les tiendes tan zarraes,
con una pallabra puede algamar
lo que vieno a guetar 

Y ta mercando una escalera al cielu 

Hai una seña na paré
pero quier tar segura,
ya sabes, a vegaes les pallabres tienen dos significaos.

Nel árbol a la vera’l regatu
hai un páxaru que canta:
A vegaes tolos nuesos camientos son dubies.

Uh, fae que m’entrugue
uh, fae que m’entrugue. 

Hai una sensación que tengo cuando miro pal oriente,
y el mio espíritu ta glayando por colar.
Nos mios camientos vi aniellos de fumu
al traviés de los árboles,
y les voces de los que siguen güeyando. 

Uh, fae que m’entrugue,
uh, fae que m’entrugue. 

Y dizse marmuriando que pronto,
si toos nós dicimos la melodía,
entós el gaiteru guiarános haza la razón
y un nuevu día ñacerá p’aquellos qu’aguanten,
y la viesca devolverá un ecu con carcaxaes. 

Si hai xaréu na sebe,
nun apavories,
ye namái la llimpieza de primavera pola Reina de Mayu
Sí, hai dos caminos polos que puedes dir,
pero a la llarga,
tovía tas a tiempu de camudar el camín. 

Y fae que m’entrugue... 

Hai un ruxerrux na to tiesta
y nun marchará, porque nun sabes
que’l gaiteru ta llamándote pa que t’axuntes a él,
querida dama, nun puedes oyer el xiblíu del vientu,
y ¿sabíes
que la to escalera afítase nel marmuriante vientu? 

Y mientres nós siguimos baxando pel camín,
les nueses solombres son más grandes que les nueses ánimes,
camina una dama a la que toos conocemos,
que relluma con lluz blanco y quier amosar
como tovía too se convierte n’oru,
y si sientes mui sollerte,
la melodía vendrá a la fin a ti,
cuando toos seyan ún y ún seya too,
ser un cuetu y nun rodar. 

Y ta mercando una escalera al cielu

Envidia Kotxina - Daños colaterales

Los mio erros ficiéronme como soi
arrepentise ye de cobardes
yá nun llamento lo que-y faigo a la mio salú
son daños collaterales
quiero ver ónde me lleva
esta vida que formiento
arimame a quien me quiera
vivir rápido y morrer de vieyu
vivir rápido y morrer de vieyu

bienllegáu a la posguerra de la mio mocedá
en cada pota debuxo un corazón
en cada arruga la mio vida s’amuesa

adrenalina dame paz
a la vieyera virus y anfeta
de nada sirve salú ensin dignidá
nun corras tanto, la muerte aspera

Los mios erros ficiéronme como soi
arrepentise ye de cobardes
nun m’importa un res lo que bilordien perehí
son daños collaterales
nun tengo cuentes con naide
cada díi me lo invento
namái envidio a quien sabe
vivir rápido y morrer de vieyu
vivir rapido y morrer de vieyu