Kaotiko - Otra noche

Otra nueche pal bar
salimos a ver qué pasa,
una vegada más, vamos a droganos.
Va xubiendo’l calentón
y van colando los problemes,
una vegada más, mañana tornarán.
El mundu pasa ante mín
y la película ye permala,
ciencia ficción,
vamos a droganos.
Hai quien busca’l colocón
y otros sexu de rebaxes
yo toi perbién. Mañana tornaré.

Ensin política y ensin dios
ensin que naide me suxete.
Vete a mamar
nun m’entretengas más,
qué güevu nin qué coyón
güei nun sedré collaciu de naide
vete a suañar
voi colocame.

Nun hai dineru, nin collacios
tendré que marchar pa casa
llegó’l final,
de tanta diversión.
La función finó
dalgún fizo bona caxa
quiciabes
¡marcho pa casa o non!

Brutus Daughters – Ciudad de las alturas

Ciudá de les altures
yes el mio as baxo la manga
frayamos la baraxa
y entamásteis a entrampiar
nin l’azar del vuesu llau podría camudar esta baza
Madrid dicta sentencia
y siempres gana la batalla

A vegaes fundo
y tu írgueme con enfotu
tu yes la que me das
y me quites cada suañu
y yo suaño acaldía
con poder tocar el to cielu
Madrid ye la ciudá
de tantes nueches de desvelu

Ciudá de les altures
que conderga con refugu
a aquellos cuyes vides
fundieron al lletargu
y vós, como siempres
necios, siguíi provocando
fadré de la vuesa risa
el vuesu xestu más amargu

Aposté tola mio vida
y xuguéla a una carta sola
porque yo enxamás me doi
y ella enxamás m’abandona
allá colo que faigáis
siguíi tomándolo a broma
Madrid dicta sentencia
y nin escaez nin perdona

Madrid, ciudá, qu’enzarra baxo llave
y abelluga, solitaria, el secretu de les sos cais

Muse – Madness

-Llocu, llocu, llocu-
Yo, yo nun pueo escaecer eses alcordances,
y dalguna triba de llocura
entamó a guañar.

Yo, yo intenté enforma dexate colar,
pero dalguna triba de llocura
ta tragándome dafechu.

A la fin vi la lluz,
y a la fin decateme
de lo que sinifiques.

Y agora, tengo de saber si ye amor verdaderu
o ye namái la llocura
calteniéndonos a flote

Y cuando miro p’atrás,
a toles lloques griesques que tuviemos,
ye como si una triba de llocura
tuviera apoderando.

A la fin vi la lluz,
y a la fin decatéme
de lo que necesites.

-Llocu, llocu, llocu-

Y agora a la fin vi’l final
-Vi’l final-
Yo toi, yo toi asperando que t’importe
-Asperando que t’importe-
Yo, yo a la fin vi la lluz
-A la fin vi la lluz-
y a la fin decatéme
-Decatéme-
Necesito amor,
necesito amor.

Ven a mín,
confía nel to suañu,
ven y rescátame,
sí, selo, pueo tar enquivocáu,
ne, yes demasiado necia.
El nuesu amor ye...
-llocu, llocu, llocu-

Jimi Hendrix – Purple Haze

Borrín morao enllenaba’l mio cerebru,
últimamente les coses nun paecen lo mesmo,
faigo coses estrañes y nun sé por qué
Discúlpame mientres beso’l cielu.

Borrín morao perdayuri,
nun sé si voi p’arriba o p’abaxo.
¿Soi feliz o desdicháu?
Seya lo que seya, esa moza embruxóme.

Borrín morao enllenaba los mio güeyos,
nun sé si ye de día o de nueche,
Tas soplando y soplando nel mio maxín
¿ye mañana o namái’l fin de los tiempos?

Bon Jovi – Livin’ on a prayer

Yera una vez
Nun va munchu tiempu

Tommy trabayaba nos muelles
El sindicatu tuvo en fuelga
La so suerte ta echada… Ye difícil, tan difícil
Gina trabaya tol día nel café
Trabayando pal so home, lleva a casa la paga
Por amor - por amor

Ella diz "Tenemos que caltenenos colo que tenemos"
Porque nun hai diferencia
Si lo facemos o non
Tenémonos l’ún al otru y eso ye muncho
Por amor - Intentarémoslo


Whooah, tamos na metá del camín
Viviendo nuna plegaria
Garra la mio mano y algamémoslo, xúrolo
Viviendo nuna plegaria

Tommy tinía la so llinia de seis
Agora ta agarrándose a lo qu’avezaba facer
Falar- Ye difícil, tan difícil
Gina suaña con fuxir
Cuando llora de nueche
Tommy marmuria, "Ne, ta bien, dalgún día"

Ella diz "Tenemos que caltenenos colo que tenemos"
Porque nun hai diferencia
Si lo facemos o non
Tenémonos l’ún al otru y eso ye muncho
Por amor - Intentarémoslo

Whooah, tamos na metá del camín
Viviendo nuna plegaria
Garra la mio mano y algamémoslo, xúrolo
Viviendo nuna plegaria

Tenemos que caltenenos, preparaos o non
Vives pa la llucha cuando ye lo único que tienes

Whooah, tamos a metá del camín
Viviendo nuna plegaria
Garra la mio mano y algamarémoslo, xúrolo
Viviendo nuna plegaria