Habeas Corpus - Distancia

Entrúgome y entrúgote, si esiste’l cielu
y si esiste l’infiernu
y si ye posible que temos los dos nos dos,
casi al mesmu tiempu.

Entrúgome y entrúgote,
si ye posible vivir nun suañu tando despiertu,
si cuanto más despiertu me siento,
más s’alloñen los mios pies del suelu.

La rempuesta que busco nos tos llabios
atópola nos tos güeyos, cuando me miren,
dícenmelo too.

Y refugo una y milenta vegaes esta distancia
que va de tos manes a mios manes,
ye entós cuando más te pienso,
ye entós cuando más te suaño,
ye entós cuando más te quiero.

Busco al mio alredor y nun alcuentro nada,
nun veo nada que nun sía esta distancia,
nada que nun seyas tu y esta distancia.

Entrúgome y entrúgote, si pueo tenete ensin tenete
y tocate ensin tocate, si ye posible nun vete y güeyate.

Entrúgome y entrúgote,
si se puede morrer de dolor remembrando un instante,
o namái abrazando la to imaxe
mientres busco ente les mios esperances
la esperanza de nunca perdete,
la esperanza en qu’esti suañu dure cuanto menos pa siempres.

Y refugo cada segundu que nun paso al to llau,
cada instante en que quiero y nun pueo,
ye entós cuando más te pienso,
ye entós cuando más te suaño,
ye entós cuando más te quiero.

Busco al mio alredor y nun alcuentro nada,
nun veo nada que nun sía esta distancia,
nada que nun seyas tu y esta distancia.
Nada que nun seyas tu. Nada si nun tas tu.
Nada que nun seyas tu. Nada si nun tas tu.
Busco al mio alredor y nun alcuentro nada,
nun veo nada que nun sía esta distancia,
nada que nun seyas tu y esta distancia.
Busco al mio alredor.
Busco al mio alredor y nun alcuentro nada.
Y nun alcuentro nada, nun veo nada que nun sía esta distancia,
nada que nun seyas tu y esta distancia.