Debruces - Echando de menos

Fici por nun pensar,
pero nun pueo olvidar,
les alcordances resisten

Abandóname la razón
busco y nun atopo calor
esi que namái tu m’apurriste

Echéte tanto de menos
Güei intenté llamate
nun paré de marcar
y esi númberu nun esiste

Falen del alloriu
pero hai una esplicación,
pa mín nunca colaste,
sigo echándote en falta.

Caleyar ye difícil, yá ves
si nun te tengo al mio llau
ca día ye una velea
ensin ti, nun teo gana de nada.

Nun sé si se ta faciendo
yo quiero pensar que sí
La razón nun entiende de sentimientos
a la fin escaecí’l razonar

Y agora creo que volveré a vete
nun sé ónde nin tampoco m’importa
la ilusión axúntame a ti
el mio coral va tenenos siempre xuntos
siempre xuntos

Caleyar ye difícil, yá ves
si nun te tengo al mio llau
ca día ye una velea
ensin ti, nun teo gana de nada.

Y agora creo que volveré a vete
nun sé ónde nin tampoco m’importa
la ilusión axúntame a ti
el mio coral va tenenos siempre xuntos
siempre xuntos

Falen del alloriu
pero hai una esplicación,
pa mín nunca colaste,
sigo echándote en falta.


Y agora creo que volveré a vete...