Cuando percuerres l’infiernu tolos díes
Y cuando les feríes manquen más per dientro que na piel
Cuando los otros neños aparten siempres la mirada
Y nun encaxar nos sos cánones foi’l to únicu pecáu
Cuando’l desasosiegu y el mieu apuñálente nel llombu
Y los pasiellos solitarios tornáronse trampes peligroses
Cuando la lluz de la to neñez ta a piques d’apagase
Y robaron la esperanza que guardabes nel cabás
Un suicida en potencia
Con namái 14 años
Nun dexemos que siga pasando
Non más bullying
Nunca más
Nunca más...
Cuando la impotencia afuraca’l to coral menudu
Y cuando recibes l’alarma del recréu con berríos de dolor
Cuando perdisti les fuercies pa llevantate acaldía
Y la idega de finalo too percuerre la to
tiesta
Cuando eduquen al traviés de la discriminación
Y tolos neños son enseñaos dende pequeños a servir al estáu
Míralos nos periódicos y na radio
Amosando que se solidaricen coles víctimes de
lo que crearon
Un suicida en potencia
Con namái 14 años
Nun dexemos que siga pasando
Non más bullying
Nunca más
Nunca más...
(planta cara al abusu, golpea al abusón, nun
lu dexes fundite, sé valiente y caltente irguíu)
No hay comentarios:
Publicar un comentario