[Victor Rutty]
Viendo la vida pasar,
el tiempu que coló, nun va regresar
unos vienen, otros colarán
qu’a los que sigan al to llau nun-yos falte pan.
Enforma tarde pa volver atrás,
demasiaos golpes, ponte nel mio llugar
a fin de cuentes había demasiaos porqués
demasiaes torgues, pa llegar hasta’l final.
Sigo ensin señal perdíu, pues nun olvido lo que vivimos
pesie a too guárdote ciñu
pol tiempu que pasamos xuntos cuando yéremos neños.
paséu nubláu que tiñó’l cielu a tonos grises,
dende que colaste, los díes más soleyeros
¿Cuántos que lo tienen too y nun son felices?
güei les direiciones apunten haza otru llau
[Rober del Pyro]
Cuántu tiempu perdimos, polo menos la metá,
pudiendo facelo nun quisimos evitar.
con cuántes persones llegué a tener amistá,
améles, quíseles, y agora ónde tán...
Ye lo que pasa cuando hai que xubir la cuesta
con media vida enriba dalgo queda atrás.
A mín nun me compares, non, yo nun pierdo la cuenta
Súdenmela les guarres y los putis onde tu vas.
Nun buscabes a veces cuando lo atopes
y si nun valores, diránte: tu yá vendrás.
Ábrese otra si te zarraron la puerta
nun perdisti’l tiempu si amaste de verdá.
Intenta aprovechala porque la vida se gasta
amontonando plata fasta qu’un día los achapla
media sociedá entá nun sabe lo que cuesta,
tán avezaos a llegar siempre a
mesa puesta.
Esta vida ta afuxendo, escurriéndose
ente los deos
Como l’agua busca al ríu,
como’l ríu busca al mar
No hay comentarios:
Publicar un comentario