Labordeta – Canto a la libertad

Habrá un díi
en que toos
al llevantar la vista,
güeyaremos una tierra
que ponga llibertá.

Hermanu, equí va mio mano,
sedrá tuya la  mio frente,
y el to xestu de siempres
cayerá ensin irguir
furacanes de mieu
énte la llibertá.

Fadremos el camín
nun mesmu trazáu,
xuniendo los nuesos hombros
p’asina irguir
a aquellos que cayeron
glayando llibertá.

Habrá un díi
en que toos
al llevantar la vista,
güeyaremos una tierra
que ponga llibertá.

Sonarán les campanes
dende los campanarios,
y los campos ermos
tornarán a xorrecer
unes espigues altes
dimpuestes pal pan.

Pa un pan que nos sieglos
xamás foi repartíu
ente toos aquellos
que ficieron lo posible
por emburriar la hestoria
haza la llibertá.

Habrá un díi
en que toos
al llevantar la vista,
güeyaremos una tierra
que ponga llibertá.


Tamién sedrá posible
qu’esa guapa mañana
nin tú, nin yo, nin l’otru
lleguemos a vela;
pero habrá que forzala
para que puea ser.

Que seya como un vientu
qu’arrinque los matoxos
surdiendo la verdá,
y llimpie los caminos
de sieglos d’esaniciu
escontra la llibertá.

Habrá un díi
en que toos
al llevantar la vista,
güeyaremos una tierra
que ponga llibertá.

Habrá un díi
en que toos
al llevantar la vista,
güeyaremos una tierra
que ponga llibertá.