Liviao de Marrao – Cançom para cantar todos os días

Hai que defender l’idioma como seya
con rabia, con puxu, a metrallazos.
Hai que defender la fala en llucha firme
con tanques, aviones y a puñetazos.

Hai que ser duros, combativos, intrasixentes
colos que tienen vocación de señoritos,
colos gochos gafos desertores
colos cabres, los castrones, y los cabritos.

Tenemos qu’engarranos colos renegaos,
colos qu’intenten desaniciar la nuesa fala.
Tenemos que lluchar colos desllinguaos
que nagüen por matala ya enterrala.

Sedríemos, ensin fala, unos naide
un garrapiellu pites desplumaes.
Los nuesos enemigos saben bien
que les pallabres vencen a les espades.

L’idioma somos nós, pueblu común
venceyu que mos xune y mos caltién en pie,
heriede secular de caún,
llar nel qu’ambura encesa la nuesa fe.