Song for ireland

Cantar orixinal de Phil Colclough, interpretáu por The Dubliners nesta versión.

Caminando tolos díes
a la vera de les altes torres, onde los ferres faen los sos ñeros
Ales de plata qu’esnalen,
Sienten el llamáu de la llibertá nel so pechu,
Vi Black Head contra’l cielu
Onde les roques retorcíes baxen haza la mar
Viviendo na to costa occidental,
Vi puestes de sol de branu, y pedí más,
Quedé pel Océanu Atlánticu,
Y canté un cantar pa Irlanda

Bebiendo tolos díes,
Nos vieyos pubs onde-yos encanta tocar a los violinistes,
Vi un toque d’arcu,
Tocó una melodía que paecía tan prestosa y gayaspera,
Aparé n’arboleya la sablera y glayé,
na espuma selvaxe del Atlánticu,
Viviendo na to costa occidental,
Vi puestes de sol de branu, y pedí más,
Quedé pel Océanu Atlánticu,
Y canté un cantar pa Irlanda

Falando tol día,
Con verdaderos collacios que faen por que quedes,
Cuntando chanciess y noticies,
Cantando cantares pa matar el tiempu,
Vi correr el salmón de Galway,
Como un baille plateao, haza’l Sol,
viviendo na to costa occidental,
Vi puestes de sol de branu, y pedí más,
Quedé pel Océanu Atlánticu,
Y canté un cantar pa Irlanda

Suañando pela nueche,
Vi  una tierra onde naide nun tuvo que lluchar,
Espertando na to alborada,
Vi cómo llorabes a la lluz de la mañana,
durmiendo onde los ferres esnalen,
Tuercen y xiren nel to cielu azul,
Viviendo na to costa occidental,
Vi puestes de sol de branu, y pedí más,
Quedé pel Océanu Atlánticu,
Y canté un cantar pa Irlanda