Banda Bassotti + Els Batak + Obrint Pas

Güei traemos trés nueves aportaciones, collaboración qu'hai qu'agradecé-y a Wi N'Ast. Los grupos en cuestión son Banda Bassotti, Els Batak, y Obrint Pas. ¡Esfrutáilos!

BANDA BASSOTTI - Figli della stessa rabia

Ye fuerte'l puñu que golpiará, en cada país, en cada ciudá.
Quien caleya sobro los cuerpos, fadia les cultures, desanicia les alcordances.
Fuerte'l brazu qu'irguirá, la bandera collorada de la llibertá.
Como quien combate nel monte, coles botes frañíes cuando sopla'l vientu.
Como Augusto Cesar Sandino, José Martí y Camilo Torres
Como quien defende col coral, la causa los probes escontra l'opresor.
Como Steven Biko, Ho-chi-min, la comandante Clelia
Samora Machel, como'l Ché, Farabundo Martí.
Fios d'una mesma rabia.
Como los Sioux y los Cheyenne, Tupac Amaru y Simón Bolivar.
Como'l Ché, Farabundo Martí
Fios d'una mesma rabia.

ELS BATAK - Ella  ho sap

Ella sabe que soi axente secretu,
que tengo un nome en clave y trabayo tapecíu.
Ella sábelo, que soi un gran científicu
y acabo inventar un nuevu dentífricu.

Ella sábelo, que soi un guerrilleru,
escuéndome nos montes lluchando escontra'l poder.
Ella sábelo, que soi un millonariu,
que tengo les mios coses escondies nel armariu.

Ella sábelo, nel chigre ella sorríeme
y dende l'otru llau ella dame la calor.
Ella sábelo, esquívame y nun me fae casu
enfílase cada nueche y nunca cola sola.

Pero ella sábelo, que tengo poderes mentales,
si me das una cuyar dóblola nel intre.
Ella sábelo, que soi l'actor de moda,
poro toi seguru que la mio cara suénate

OBRINT PAS - Continuant avançant

Ñací nun mes de mayu,
foi lo meyor que me pasó;
medré colos güeyos pesllaos,
fasta que dalguien m’esconsoñó.
Vi lo que me taben faciendo,
vi lo que yera’l mio presente;
y anguaño nun canto por cantar,
si anguaño canto ye pa facer pensar.
Frañendo cadarmes que mos afitaron,
creando nuevos espacios pa poder pensar.
abriéndonos, siguiendo p'alantre,
recuperando’l suañu que toos suañamos.
¡Suañu!

Ellos tienen el poder,
ellos son omnipresentes,
ellos contrólente,
identifíquente.
ellos xulguente,
ellos conderguen,
ellos torturen
y asesinen!
ellos controlen,
ellos xixilen,
ellos torturen
y asesinen!
tres del otru,
asesínennos,
día a día
asesínennos!

Ñací nun mes de mayu,
foi lo meyor que me pasó;
medré colos güeyos pesllaos,
fasta que dalguien m’esconsoñó.
Vi lo que me taben faciendo,
vi lo que yera’l mio presente;
y agora nun canto por cantar,
si anguaño canto ye pa facer pensar.
Frañendo cadarmes que mos afitaron,
creando nuevos espacios pa poder pensar.