lunes, 12 de agosto de 2013
Entamamos
Con esta entrada entamamos la iniciativa "Lletres N'Ast", un espaciu nel que se dirá espublizando la torna a la llingua asturiana de cantares orixinalmente n'otros idiomes. En principiu los estilos musicales implicaos sedrán los que me presten: Punk, Rock, Hardcore, Ska, Reggae, y dalgún otru, pero esti ye un espaciu abiertu a la collaboración de toos y toes.
Nun tenéis más que mandar la vuesa collaboración, seya la canción orixinal nel idioma que seya o nel estilu que seya, y equí tendrá'l so espaciu. De toos y toes dependerá hasta ónde llegue esti blogue, si s'esparde a otres iniciatives como videos sotitulaos de los cantares, etc. Pa cualquier cosa, tenéis disponible'l corréu lletres.nast@gmail.com , asina como los espacios nes redes sociales que se dirán abriendo.
El sistema de clasificación de los cantares sedrá bien cenciellu: una etiqueta col grupu y otra col álbum, faciendo asina más cenciella la gueta los temes. Esto ye too, bien pronto les primeres aportaciones, ya insisto: ye bienvenida toa collaboración.
Salú y Música.
Suscribirse a:
Enviar comentarios (Atom)
No hay comentarios:
Publicar un comentario